أكبر عقاب للإنسان اللي ظلمك من رب العالمين

أكبر عقاب للإنسان اللي ظلمك من رب العالمين بتعرفوا شو أكبر عقاب من رب العالمين للإنسان اللي ظلمك؟ إنه ما يكون في عقاب. كتير منا بنفكر إنه الإنسان اللي ماشي بحياته كانه ما صار شي هو فاز وهو انتصر. بتعرفوا انه بالدين رسول الله صلى الله عليه وسلم قال انه في ناس رح يكونوا على أبواب الجنة وما بفوتوا لانه كانوا يصلوا ويصوموا ويتصدقوا بس ظلموا أشخاص، جرحوا، حكوا عن أشخاص. ولانه هذا الشخص اللي ظلم ما سامحهم بالدنيا، شو صار؟ كل حسناتهم راحوا لكم انتم. يعني بكون ما عندهم ولا حسنة. بتعرفوا شو أكبر عقاب من رب العالمين؟ إنه الإنسان يفكر إنه ربنا تركه، إنه ربنا سامحه. ليش عشان ما يستغفر، عشان ما يرجع. عشان ما يجوا ويتأسفوا للشخص اللي ظلمك. لانه من عقوبة رب العالمين إلنا لما نجرح بني آدم، إنه الإنسان اللي ان جرح، بيسامحك. فلما الإنسان ما يجي ويتأسف وما يحاول إنه يرجعكم ويفكر إنه ربنا خلاه ينتصر. هاي أكبر عقاب من رب العالمين لهم. فيا رب ما نكون من هدول الأشخاص.