Blogging mein chahe ek rupaya kamana hai chahe ek lakh rupaya kamana hai, sirf aur sirf is ek cheez ke upar depend karta hai.

Blogging mein chahe ek rupaya kamana hai chahe ek lakh rupaya kamana hai, sirf aur sirf is ek cheez ke upar depend karta hai. Pakistan mein ek lakh kamane ke liye aapko ek se do crore ki investment karni padti hai kam az kam. Best example hai rental properties. Do crore ka ghar hoga, 50 se 60 hazar rupaye uska rent aata hai mahine ka. Ab agar aap internet ki duniya mein aate hain, toh literally ek lakh bhi zyada hai har mahine ek lakh kamane ke liye. I know, aapko yaqeen nahi hoga aur yahi raaz aaj ki is video mein main aapke sath kholne ja raha hoon. Toh ye kis business se possible hai? Is business ka naam hai blogging. Asan alfaz mein iska matlab ye hai, aap ek domain lenge, hosting lenge, site setup karenge, koi ek topic select karenge, then kuch keywords nikalenge. Then aap un keywords par articles write karenge, unko website pe publish karte jayenge. Wo articles Google pe rank honge, Google par log search karke un articles ke through aapki site par aayenge, and then un logon ko aapki site par ya toh ads milenge ya products milengi, and then aap wahan se paisa kamaoge. Hai simple ki nahi? Ab ye toh ho gayi theory. Chaliye ab aapko ye batata hoon ki practical isko kaise karna hai. Ye poori ki poori masterclass aapke liye maine ready karke rakhi hui hai, chaliye shuru karte hain. Sabse pehla step hai niche research. So janabe ali, niche research sun sun ke aapke kaan toh pak gaye honge, lekin ye hai bahut important. Iske baghair aapki blogging journey kisi kaam ki nahi hai. Toh chaliye research shuru karte hain. Ab aapko aisi niche chahiye jo profitable ho, matlab jisme earning ka potential ho and usme competition kam ho. Toh different strategies hum use karte hain niche research ke liye, jisme se ek hai aap established sites find karen. Chahe Flippa par ja ke sites dekh len ya phir Amazon ko Ahrefs mein daal ke referring domains nikal len with low DR and high traffic. Jab aapko ek established site mil jaye, just keywords ki list nikal len aur apni site start kar den. Simple hai ki nahi? Nahi bhai. Har ek keyword ko aapne analyze karke uska competition find karna hai, then confirm karna hai ki wo keyword aapke liye theek hai ki nahi. Toh yahan pe aapke paas aata hai step number two jisko bolte hain keyword research. Blogging mein chahe ek rupaya kamana hai chahe ek lakh rupaya kamana hai, sirf aur sirf is ek cheez ke upar depend karta hai, jo ke hai keyword research. Asan alfaz mein aise keywords find karna jo log Google mein search karte hain, competition analysis karna taake confirm ho sake ki jo keyword hai, kya aap us pe rank kar sakte hain ki nahi, and finally keyword ko uske sahi group mein add kar dena taake site ka structure ban sake. Ab ye kaise karna hai, wo dekhte hain. Ek method aisa hai jisme aap paid tools jaise ke Ahrefs ya Semrush ka use karte hain, ek method aisa hai jisme aap free tools se bhi kaam kar sakte hain. Jo log paid tools le sakte hain apni niche ka seed keyword Google mein enter karenge, space den, and Google suggestion dega. One by one in keywords ko search karte jayen aur jo competitors Google mein aayenge unko apne paas save karte jayen. Ab aapne Ahrefs mein jana hai, competitor ka link insert karen, organic keywords mein ya phir top pages mein chale jayen. Ye wo pages hain jin par ye banda already kaam kar raha hai, traffic le raha hai. Isko yahan se export kar len. So jo log paid tools nahi le sakte, toh free mein karna chahte hain, ab uska process batata hoon. Again Google wala process same hai, aap apna seed keyword rakhenge, space denge, how add karenge and then niche Google suggestion ki list aa jayegi, wahan se keywords ko one by one save karte jayen. Ab final keyword select karne ke liye competition analysis karna hai. Uske liye Google mein top 5 spots ko tasalli se analyze karen, weak spots find karen. Weak spots ke andar aap irrelevant page dekh len, Q&A site honi chahiye, social media ka koi page ho sakta hai, koi nayi site rank ho sakti hai jiska DR 20 se kam ho. 20 se upar competition strong ho jata hai. Jab aapko ye confirm ho jaye ki ye keyword hai jiske upar aap rank kar sakte hain, usko ab uski specific category mein add kar den. Yahi site ka structure build hoga jab content publish karenge. Step number three, content writing. Ab yahan pe hum baat karte hain ki content actual mein likhna kaise hai. Aap articles bhi bol sakte hain usko. Suppose aapne article likhna hai best lawn mover par. Google mein search karen, first result open karen, ab iski headings ka analysis karen. Ye is cheez ka proof hai ki Google ko ye page sabse zyada pasand hai, isi liye rank hai. So poore content ka idea lenge, same for other competitors, aur aapke paas ek outline build ho jayegi. Is outline par then aap content generate karna hai jo user aur search engine dono ke liye optimize hoga. Finally, aapne apne article mein main keyword ko title mein, H2 heading mein, URL mein, image alt mein aur headings mein use karna hai, and is tarah aapka content aapke competitors ke muqable mein achha ho jayega. Step number 4, site structure. Toh yahan pe aapne relevant pages ko relevant pages ke sath interlink karna hai, matlab connect karna hai. Interlinking kaise karni hai, content write karte waqt aap is cheez ka khayal rakhen ki kaise aap already published pages ko link kar sakte hain jo relevant hon. Is tarah aap user ko option dete hain ki wo aapki site ke aur bhi pages visit kare, so isse definitely revenue bhi increase hoga aur site ki worth bhi increase hogi. Interlinking ke liye koi special pattern hona zaroori nahi hai, aap chahen toh kisi tarah se bhi articles ko link kar sakte hain. Ek cheez zehen mein rakhiyega, sidebar, footer, related articles wale jo sections hain ye interlinking mein count nahi hote. Panchwan step hai link building. Waise toh bahut tarah ke links hote hain lekin jo asal backlinks aapko banane chahiye, uska tarika aapko batata hoon, usko bolte hain guest posting. Sabse pehla kaam hai finding link prospects. Aisi sites nikalni hain jo aapke competitors ko link kar rahi hain. Uske liye aapne jana hai Ahrefs mein aur yahan apne competitor ki site ka URL enter karen, yahan se best by links par jayen. Ab pages ki list aa jayegi jo aapke competitors ke hain aur unko links mile hue hain. Ab jis page ki zyada DRs hain usko select kar len aur dekhen kahan se links mil rahe hain, wo list bana len. Agla step hai finding contact details. Hunter.io ka tool use karen, iska free version se aapko 25 emails nikal sakte hain. Thoda expensive ho jayega but dino ka kaam seconds mein karega. Agla step hai email pitch craft karen. Yahan pe aapko khayal rakhna hai ki aapki jo email hai wo personalize ho, template use nahi karna aapne aur unko kuch solid reason deni hai ki wo aapko link de saken, and then send, monitor, and repeat. Is method se jo maine links hasil kiye hain wo ye wale hain, and that's it. Ab agar aapko ye dekhna hai ki backlinks banaye baghair kaise site rank karni hai, toh uske liye ye video watch karen.