Level 2 ke andar hum discover karne wale hain aur zyada detail mein tags ke baare mein.

Level 2 ke andar hum discover karne wale hain aur zyada detail mein tags ke baare mein. Aur sabse pehle jo hum basics of HTML tags mein padhenge wo hai hamare HTML attributes. HTML ke andar tags ke saath saath attributes hote hain. Attributes yani koi property associated hoti hai. Jaise attributes are used to add more information to the tag. Ab jaise paragraph tag ko humne dekh liya. Ye opening tag hai, ye closing tag hai. Inhone humein ye toh bata diya ki hum paragraph likhne wale hain, par man lijiye humein aur extra information daalni hai. Jaise is paragraph mein jo hum cheezein likhne wale hain uska font size kya hone wala hai? Bhai hamare text ka color kya hone wala hai? Red hone wala hai ya blue hone wala hai? Waise toh ye cheezein humein CSS se define karni chahiye, par inko hum HTML ki sahayata se bhi define kar dete hain, although yahan nahi kar rahe honge. Jaise for example, humne HTML tag se bata diya ki hum HTML ka document likhne wale hain aur ye hamara root element hoga. Par ismein humne ek attribute dala lang is equal to en. Is attribute ka matlab hai language jismein hum ye code likhne wale hain, wo hai en yani English. Ab yahan par ye jo part hai, isko hum kehte hain attribute. Toh ye pura ka pura hamara HTML tag hai aur iske andar humne ye attribute likha hai. Attribute ka naam kya hai? Attribute hai lang attribute. Yani language attribute. Toh language jiska hum istemaal kar rahe hain wo hai English. Isi tarike se aur bhi bahut saare attributes hum different different tags ke saath use kar sakte hain. Ab ye jo attribute hai, ismein left side mein attribute ka naam hota hai aur right side mein hum uski value likhte hain. Jaise language hamare paas Spanish bhi ho sakti thi, Hindi bhi ho sakti thi, par yahan par English hai. Aur ye jo attribute ki value hai, isko hum single quotes mein bhi likh sakte hain, wo bhi completely valid hai, aur double quotes mein bhi likh sakte hain, wo bhi completely valid hai. But kyunki by default double quotes mein likhi jaati hain string kaafi saari languages ke andar, toh hum apne tutorial mein double quotes ko follow kar rahe honge. Baaki aapka mann hai single quotes mein likhne ka, wo zyada comfortable lagta hai, Python jaise background se aap aa rahe hain, toh please feel free to do that. Next ek bahut hi important tag ki baat karenge, ye hai hamara heading tag. Jab bhi humein kisi document ke andar koi heading deni hoti hai, toh hum heading tag ka istemaal karte hain HTML ke andar. Ab HTML is used to display headings in HTML. Ab heading tag is used to display headings in HTML. Ab hamare paas che heading tags hote hain. H1, H2, H3, H4, H5 and H6. Ye saare ke saare tags na size mein alag alag hote hain. H1 ka size jo hai bada hota hai, fir usse chhota H2 hota hai, usse chhota H3 hota hai. Aur ye importance dikhata hai inka size. Jiska size sabse bada hota hai, wo sabse zyada important headings ke liye use hona chahiye. Jaise H1 ko hum sabse zyada important cheezein likhne ke liye use karenge. H6 ko hum sabse kam important cheezein likhne ke liye use karenge. Jaise iska example ek baar dekh lete hain. Apne code ke andar is paragraph ko toh karte hain comment out. Toh ye maine ek click se kaise comment out kiya? Aapko press karna hai control aur slash. Toh control slash ek baar press karte hain toh jitna bhi part selected hota hai wo sara comment out ho jata hai. Uske baad hum likhne wale hain apne tags ko. Toh sabse pehle H1 tag ko likhte hain. Heading 1. Fir likhenge apna H2 tag. Similar way mein apna H3 tag likhenge. Isko kar lenge save and ab dekhte hain ek baar. Toh ye raha hamara code jismein heading 1 jo hai sabse badi hai. Uske baad heading 2 hai, uske baad heading 3 hai. And is tarike se kam kam importance hoti ja rahi hai headings ki. Ab ek galti jo kaafi saare students yahan pe karte hain ki jab bhi unhein bada text chahiye hota hai, toh wo kya karenge heading 1 ya heading 2 ka istemaal kar lenge. Jab bhi chhota text chahiye hota hai size mein chhota, toh heading 6 ya heading 5 ka istemaal kar lenge. Aisa humein nahi karna chahiye kyunki hum size define kar sakte hain, hum font size bata sakte hain apne text ka, par headings ko importance dikhane ke liye humein use karna chahiye. Kabhi bhi size ke liye use nahi karna chahiye. Iska farak actually SEO par padta hai jab bhi hum websites ko bana rahe hote hain. Toh uske andar rank jo hoti hai, kaunse web pages Google jo hai upar dikhayega, kaunse niche dikhayega, usmein wo search karta hai ki is ye jo website hai, ye jo web page hai, iski main heading kya hai? Iska topic kya hai? Toh agar hum sirf size ke liye jo main topic nahi hai, usko bhi badi heading de denge ki bas bada usko display karana hai isiliye bas upar daal diya aur wo main topic bhi nahi hai, toh kya karega? Google ko lagega ki aapka main topic yahi hai, toh wo ranking aapki jo hai affect kara sakta hai. Toh wo nahi karna. Headings ko use karna hai hamesha importance dikhane ke liye. Jo zyada important hai usko badi wali heading dein, jo kam important hai usko chhote wali heading dein. Toh size ke liye font size karke ek property hoti hai CSS ke andar, jisko use karte hain text ka size define karne ke liye.