لو عايز تكون داتا انالست في شهر واحد

لو عايز تكون داتا انالست في شهر واحد، لو انت لسه عايز تبدأ في المجال، اوعدك بعد 30 يوم هتلاقي انترنشيب او تنزل شغلانة جونيور على طول، بس محتاج منك حاجتين اتنين. اول حاجة هتبقى الصبر والمثابرة، هتقفل على نفسك كده في الاوضة كل يوم اربع خمس ست ساعات تقعد تذاكر، ما ده مستقبلك يا حبيبي. ده مستقبلك اللي بيتفرج عليا في الفيديو ده، لو عايز يبقى داتا انالست ده مستقبلك، فانت محتاج تذاكر، محتاج تذاكر بعد اذنك وفكك من اي حاجة تانية. تاني حاجة محتاجينها هيكون اللابتوب بتاعك وواي فاي، بس كده، مش لازم يكون لابتوب عالي يعني عادي اي لابتوب. وطبعا انا عارف ان ده هيبقى فيديو من الفيديوهات اللي انت بتقعد تشوفها وترميها وتشيلها، فممكن تعمله سيف احسنلك عشان على الاقل ترجعله قدام اما تكون جاهز. فيديو واحد بس على اليوتيوب هو ده اللي هرشحهولك، هو ده اللي هيلملك كل حاجة، ليه الفيديو ده بالذات عشان الفيديو ده بيكفر اكتر تلات حاجات مهمين عشان تبقى داتا انالست كويس وتلاقي شغل. اول حاجة، دي الحاجة اللي انت دايما هتكون شايفها قدامك الا وهي الاكسيل. وتاني مهارة هيعلمها لك في الفيديو ده الا وهي الباور بي اي. اما تالت حاجة واخيرة مش محتاج اقولك هتبقى اس كيو ال، التلات حاجات دول موجودين في الفيديو ده، الفيديو اسمه اليكس ذا انالست، هسيبلك صورة اهولي. والله العظيم تلاتة انت مش محتاج تشتت نفسك في كذا قناة وكذا كورس، انت محتاج بس تخش عند الراجل ده اللي التشانل بتاعته كلها بتتكلم عن المواضيع دي، خصوصا الفيديو ده. اقفل على نفسك كده واقعد كل يوم خدلك اربع خمس ساعات وطبق معاه، عشان بعد كده هتعمل مشاريع وتبتدي تقدم بيها. شكرا.