نزلت فيديو من كام يوم كده وعمل تفاعل كبير بس حسيت إن في سوء فهم في اللي كنت عايز أقوله يعني

نزلت فيديو من كام يوم كده وعمل تفاعل كبير بس حسيت إن في سوء فهم في اللي كنت عايز أقوله يعني كنت بتكلم على اليونت إيكونوميكس في مصر وإزاي إن هي مش راكبة على بعض وإن السوق فيه مشاكل كتيرة بعض الناس أخدت الكلام ده بشكل سلبي بس اللي أنا كنت عايز أوصله أصلاً أي رائد أعمال أو بيزنس مان بيبص دايماً على حاجة واحدة فقط إيه هي المشاكل اللي أقدر أحلها فلما يجي يروح بلد فيها مشاكل كتيرة عينه بتبرق الله ده في مشاكل كتيرة ده أنا ممكن أعمل فلوس كتيرة جداً هنا أحلهم المشاكل بتاعتهم وأقبض فاهم الفكرة فلما أقولك إن مصر مليانة مشاكل دي معناها إنها مليانة فرص استثمارية المشكلة الحقيقية مش في وجود المشاكل حضرتك هي مشكلة في اليونت إيكونوميكس أو الوحدة اقتصاديات الوحدة اللي مش مش مظبوطة وأنا ممكن أديلك مثال عملي يعني عشان الناس اللي سألتني تخيل إنك أنت مثلاً بتبني إيه أي إيجنت في مجال الذكاء الاصطناعي أو سوفت وير خلاص عشان يحل مشكلة خدمة العملاء مثلاً في مصر أو ينظم الحجز مثلاً للشركات والمحلات هنا أو يحل مشكلة طلبات اللي كل شوية يقولك باشا أنت فين باشا أنت فين التحدي هنا لو هتستعمل مثلاً الذكاء الاصطناعي إن كل مصاريفك الأساسية والأوفر هيد بتاعك بيكون حضرتك بالدولار خلاص يعني بتدفع تكلفة الإي بي آي كوستس بتاعتك أو بتاعت الذكاء الاصطناعي بالدولار وتكلفة السيرفرات مثلاً اللي هتستعملها أو الهوستينج كله بالدولار لكن في المقابل لما تيجي تبيع الخدمة ديت أو تعمل اشتراك للعميل المحلي خلاص بتبيع وبتكسب بالجنيه هنا المعادلة بتضرب فاهم قصدي فإزاي تعمل تسعير يغطي مصاريفك الدولارية وفي نفس الوقت يكون مناسب ومقبول للقوة الشرائية هنا في مصر هي دي المشكلة الحقيقية وملهاش حل الصراحة إلا إنك أنت ما يكونش عندك فاريابل كوست أو مصاريف متحركة لازم تركز إنك تعمل حاجة اسمها فيكس كوست اللي هي مصاريف ثابتة حتى لو بتدفع مثلاً 20 دولار 50 دولار 200 دولار في الشهر بس لو ثابت ما بيطلعش زي مثلاً الإي بي آي كوستس والكلام ده كله فساعتها ممكن الموضوع يمشي معاك هنا وتبتدي تبني بيزنسز حتى لو أنت مصاريفك بالدولار بس للأسف معظم الحاجات زي مثلاً الإي بي آي كوست وكده بيكون فيها جزء كبير بتبقى فيها مصاريف متحركة يعني بتكبر المصاريف دي بتكبر كل ما يجيلك زباين أكتر أو كل ما تبيع أكتر وهكذا وهي دي التحدي أو الفرصة اللي لو أنت عرفت تظبط المعادلة بتاعتها هتبقى أو هتبني بيزنس قوي جداً وسكيلابل