جيت انصب عليا

جيت انصب عليا فنصبت على اللي عايز ينصب عليا. حد باعتلي الرسالة دي بيقولي السلام عليكم معاك كذا كذا، استاذن حضرتك بس محتاجين نعرض عليك الشغل والمرتب بدوام جزئي. فقلت ماشي شكرا انا عارف انا الدخلة دي. اتفضل عملت فيه عبيط جدا فبقيت اسمع منه حاليا احنا بندفع 150 جنيه. يعني انت بتعرض عليا الشغلانة بتعرفني ايه الشغلانة في الاول بتقولي احنا بنعرض 150 جنيه فماشي اتفضل. لاي حد يكتب تعليق على فنادق على جوجل ماب هاكدب يعني ها. عينيا حاضر حاضر. حضرتك حابب تشتغل معايا ممكن تقولي سنك كام؟ قلتلهم 24 سنة. يا رب اكون مناسب يا رب يا رب اكون مناسب. فقالي ده شغل اونلاين اوكي بالنسبة للمهمة الحالية يا ريت تتابع الخطوات دي. طب اعرف الشغل يعني انا انا اعرف تفاصيل الشغل هل انا بجد هاكدب بس هخش اكدب وارد اطلع ماشي. اضغط على اللينك بصيت في اللينك لقيت ان هو الحمد لله امن وكويس اقيم الوظيفة بخمس نجوم. حاضر من فضلك نفذ الخطوة اللي فوق وابعتلي سكرين شوت صحيح زي الصورة بعد ما تخلص هتحصل على 150 جنيه مصري. ها ها ماشي. ماشي حاضر هنخسر حاجة هنخش. دخلت انا بقى بصراحة روحت مقيم ال... ابني بيمسي عليكم. فقررت ان انا اقيم المكان بخمس نجوم فلقيت ان انا ممكن اضيف صورة فرحت واخد سكرين شوت للشات وضايفه في الصورة. ها ها ايوه ايوه طبعا عشان الناس لما تيجي تروح الفندق تعرف ان الفندق ده واخد التقييم العظيم ده واخدينه ازاي. وبعدها روحت عامل التقييم بخمس نجوم خدت سكرين شوت اخد ال 150 جنيه بس الاول روحت مرجعها تاني للنجمة واحدة. زي الفل زي الفل. دخلت بقى لقيت الرسالة بقت بتقولي ايه. تفاصيل المرتب بالنسبة للمهمة استنى اه بالنسبة للمهمة التالية هبعتلك بيانات التواصل على الفرونت ديسك على تليجرام. حلو الفرونت ديسك دي. كود المرتب يا فندم كذا لينك الفرونت ديسك على تليجرام ماشي دخلت على الفرونت ديسك وبعدها اضغط على لينك التليجرام اللي فوق وتواصل مع الفرونت ديسك وابعتلهم كود المرتب. ثانيا بعد كده هيتم دفع 150 جنيه مصري ليك ونقدر نتواصل معاك عشان تكمل شغل تاني وتكسب عملات اكتر. عارف انا الدخلة دي. المهم دخلت على التليجرام اكيد مش هيبعتوا 150 جنيه. فدخلت على التليجرام بعت طب اكتبلي اسمك وسنك وكذا كتبت كل ده فبالتالي قلت كتبتهم بهايم ها ها. معلش انا اسف يعني فالمهم ايه حسستهم ان انا في قمة الغباء. ببص لقيت ان بيقولي تم التحويل اليك. اكيد يعني الرسالة متفبركة يعني مش هيبعتلي رسالة من فودافون كاش ان فلوسي وصلتلي. فتحت الابليكيشن لقيت ان الفلوس وصلت. فانا ها ها دخلت بقى قلتلهم ايه انا هجيب معايا 10 يشتغلوا. وطبعا قلت اشتغلهم يعني اكمل معاهم في الاشتغال لقيت ان هو شات بوت عبيط فاهم وطبعا يعني كانوا ضامنين ان هو 90% من الناس بتستجيب ايه ده يا عم ده بيبعتوا فلوس اهو. فبالتالي هو بيحلب فيك يخليك تقعد يا باشا تعمل تقييم وتكدب تقييم وتكدب تقييم وتكدب. وبالتالي بداتها من حرام ودول الناس بعتولك فلوس فمش هيبطلوا. فيعني اتقي الله واللي يبعتلك حاجة زي كده طبعا ما تعملش ده. وانا لسه هسال ال 150 جنيه اللي جولي دول اعمل فيهم ايه. سلام عليكم.