Haath ke upar sabse pehle ek plus ka sign lagayein.

Haath ke upar sabse pehle ek plus ka sign lagayein. Iske center mein five petals wala chota sa flower bana lein. Ab in charo sideon par equal size rakh ke aapne ek mark lagana hai, taki jo design hum banaye woh equal size ka bane. Ab in charo sideon par aapne heart shape banani hai. Equal hearts banane hain lekin center mein aapne gap chhod dena hai. Humne inse cutwork wala spiral banana hai. Saath saath line andar le jaate hue upar ki taraf gol dayra bana dena hai, theek hai. Ab finger ki taraf hum bahar ki taraf ko spiral bana denge do do. Idhar finger wali side par bhi aur wrist ki side par bhi. Bahar ki taraf chote se spiral bana diye cutwork wale. Ab yahan par humne chota sa design create kar dena hai. Bahut simple sa hai, aap apni marzi se jaise marzi ise bana sakte hain. Ab in dono jagahon par aapne leaf banana hai, aur is leaf ko maine niche ki taraf lekar ja rahi hoon, dhyan se aap dekh lijiyega. Ab is flower ke id-gird bhi humne choti si tails add karni hain. Ek jagah par humne wahi design jo bahar banaya tha woh aur dusre dono jagahon par humne leaves bana diye teen teen. Ab ye bahar wale jo leaves hain na, inka aapne khaas khayal rakhna hai, jaise main bana rahi hoon bilkul waise hi banana hai. Jo end wala leaf hoga uski jo nok hai na woh bahar wale jo pehle leaf banaya tha uske saath match karni chahiye. Ab iske id-gird maine cutwork rakhte hue bilkul cutwork rakhte hue bahar ek aur line laga li thi. Ab dekhein maine ye design yahan se fill kiya hai na, toh aap dekh sakte hain har leaf ki nok aapko idhar se nazar aa rahi hai. Jab aapne bahar ek line lagani hai toh uski shape ko barkarar rakhna hai, theek hai, taki design aapka cutwork design jo hai woh zyada achha lage. Ab iski negative filling kar denge, jitna bhi gap tha design ke darmiyan us sab ko humne fill kar diya hai. Aur flower jo tha hamara iske upar bhi maine dot laga diya hai. Ab thodi bahut shading karni hai. Mera haath kyunki chota hai, toh isliye design bhi maine thoda chota chota karke hi banaya hai. Agar aapke haath bade hain, toh aap uske upar jo design jaise banayenge na, phir shading wagera karenge toh woh zyada pyari lagegi. Fingers par sabse pehle maine is tarah se ek line bana li, theek hai, jo finger center wali hai, middle finger, wahan par maine thodi si nok rakhi hai iski. Ab iske upar bhi humne cutwork design hi banana hai, yaani ki flower wagera, leaves wagera banakar baki jitne bhi area hoga us sab ko humne fill karna tha, lekin yahan par meri cone kharab ho gayi thi, toh mazeed nahi chal saki. Ye iski final look hai, jitna bhi design bana hai.