أكيد مينفعش

أكيد مينفعش يبقى فيه سيرم رقم واحد على نون ومجبوش اجربه. السكين بوستر من ديرما ال اول سيرم مصري بتقنية المايكرو نيدلينج عبارة عن ابر صغيرة بتوصل المكونات الفعالة لطبقات اعمق جوه الجلد. وبالتالي اول ما تحطوه هتحسوا بشكشكة. فبلاش تدعكوه كتير وحطوه كده بالطببطة. التكنولوجيا دي موجودة في سيرومات كتير كورية جربتها قبل كده بس اول مرة اشوفها في سيرم مصري. كمان المكونات دي كلها 5% فيتامين سي، 2% نياسيناميد، 0.1% ريتينول، سنتيلا، وكمان 2% هيالورونيك اسيد. هيساعد في تقليل التجاعيد والخطوط الرفيعة. كمان هيساعد في الترطيب وتنظيم افراز دهون البشرة. بستخدمه مرة واحدة بس بليل على بشرة نضيفة وجافة وبعديه مرطب. وتاني يوم طبعاً السان بلوك. اكتر حاجة عجبتني فيه انه بيختصر روتين طويل في كل المكونات الفعالة دي موجودة في سيرم واحد بس. وكمان بنسب آمنة فينفعل المبتدئين. غير طبعاً تقنية المايكرو نيدلينج اللي هتوصل كل ده لطبقات اعمق جوه بشرتكم. تجربتي معاه كانت حلوة جداً. معمليش اي مشاكل وفعلاً بدأت الاحظ تغيير في الكواليتي الجلد بتاعي. شكل بشرتي فعلاً بقى جلووي وصحي اكتر. انا لما بجرب منتج بوقف كل المنتجات التانية عشان اعرف هو بيعمل مفعول ولا لا. في العادي لو المنتج وحش بحس ان وشي بيفقد ال glow ومش بحس انه معدش فيه نضارة وتعبان ومرهق. لكن مع المنتج ده رغم اني موقفه كل حاجة تانية. محصلش كده خالص. لو جربتوه اكتبوا تجربتكم تحت ومش مسامحة كل اللي خبوه عني. لو هتجربوه متنسوش تعملوا اختبار حساسية الاول.