نفسي اعرف ليش ما تضبط النظارة اتابعك من 2022

نفسي اعرف ليش ما تضبط النظارة اتابعك من 2022. يا صديقي ما انا كذا مرة احكي على النظارة. انا من ساعة ما عملت عملية الليزك وانا عندي جفاف ما بيروح. جنب الجفاف عندي حالة في النظر، النظر ما بيتضبط الا بالعدسة دي والدكتور والدكتور واثنين وثلاثة واربعة مش مقتنعين. انا المريض، انا اللي حاسس، انا اللي بشتكي، انا اللي بقول انا حاسس بتحسن كذا. دي نظارة موتوسيكلات، اللون الاصفر ده بيريح عيني جدا جدا جدا، بيخليني اشوف، لان بعد ما بتعمل ليزك بتحس ان الدنيا ضلمت. فبعد كذا النظارة اللون الاصفر ده بينور الدنيا شوية، اللون الابيض بيزوده. طيب العدسة دي، انا مش عارف، العين دي كانت هي اللي بايظة، دي اللي كانت سليمة وكنت بشوف فيها من غير نظارة. دلوقتي الموضوع اتعكس، دي كل شوية تضعف، كل شوية تبوظ، كل شوية فيها مشاكل. اللي انا اعرفه ان دي عدسة قديمة، كنت بجرب العدسات كذا وبلعب فيها لقيت نفسي ضبطت. كمان كام يوم هلاقي نفسي فكيت بالشمع ده ورحت جبتها كذا وهتضبط، كمان كام يوم بروح مرجعها تاني. طيب هتقولي روح اعمل نظارة، هقولك انا جيت اعمل نظارة، الدكتور قعد عنده ساعة واثنين وثلاثة عشان اطلع المقاس، العدسات عنده مشبرة ومش عارف اشوف وانا الملي، يعني مش الملي، الاصغر من الملي يفرق معايا في الصورة، في الالوان، انت مش هتبقى حاسس مش بفرق زي ما انا بحس، من صداع، من مشاكل كتير جدا. اللي انا عايز اقولهولك ان انا مرتاح بالنظارة دي كذا، الدكتور مش مقتنع، رحت حطيت كذا مقاسها على الجهاز وعملي نظارة زيها، اخر شهر، الشهر اللي فات وبرضه نظارة هنا مركونة هنا، هبقى اجيبهالكم واوريهالكم. ما عملتش اي حاجة، وفي حاجة غلط، ان العدسة دي ما تفهمش يعني هي الوحيدة اللي ظابطة، رحت عملت عدسة زيها بالملي وركبتها ما نفعتش، فانا مش عارف انا عندي ايه والدكاترة كلهم يقولوا كذا. كل اللي انا اقدر اقولهولك ان لو عملت ليزك هتعيش اسوأ ايام حياتك، عايز اقولك انا بصحى من النوم عيني بتوجعني جدا جدا جدا جدا وماشي بالامبولات دي عشان اعرف انام بيها، وماشي بالمحلول الملحي اللي هو ده، وماشي بالبروزيلين والهيستامين. دي القصة يا سيدي، عرفت القصة.