أثرك في الناس أكبر مما تتوقع.

أثرك في الناس أكبر مما تتوقع. يمكن في يوم من الأيام قلت لشخص كلمة حلوة وأنت أكيد نسيتها لكن هو ما راح ينساها. ويمكن ضحكت مع شخص في وقت كان يمر فيه بأسوأ أيامه وبالنسبة لك أكيد كان موقف عادي لكن بالنسبة له كانت لحظة خففت عليه كثير. يمكن في شخص للحين يبتسم كل ما تذكر موقف يضحك صار بينكم وشخص ثاني أخذ بنصيحتك وغيرت قرار كامل في حياته. إحنا نعيش أغلب حياتنا وإحنا نشوف أنفسنا من الداخل بس نعرف أخطاءنا نقاط ضعفنا والأشياء اللي ما تعجبنا في أنفسنا لكن ما نقدر نشوف أنفسنا بعيون الناس عشان كذا أحيانا نقلل من قيمة وجودنا. يمكن أنت تشوف نفسك شخص عادي جداً لكن أنت في ذاكرة شخص آخر كنت جزء من أجمل فترة عاشها ويمكن أحد تعلم منك شيء بدون ما تدري أو استمد منك الطاقة والشجاعة أو حس بالأمان لمجرد وجودك معاه ويمكن شخص بعيد عنك لكنه باقي يستخدم كل ما تعلمه منك أو يسمع أغنية عرفها بسببك أو يدعي لك بقلب صادق. عشان كذا مو كل أثر نتركه نقدر نشوفه ومو كل شخص أثرنا فيه بيجي يوم ويعلمنا لا تستهين بكلمة طيبة ولا بموقف بسيط.