هفهمك الفرق بين قواعد البيانات الـ SQL والـ NoSQL في دقيقة واحدة

هفهمك الفرق بين قواعد البيانات الـ SQL والـ NoSQL في دقيقة واحدة. أول حاجة الـ SQL هي قواعد بيانات منظمة بتستخدم الجداول والعلاقات. البيانات فيها بتكون ثابتة ومحددة الشكل واللي بنقول عليها Schema. زي مثلاً عندنا الـ MySQL، الـ PostgreSQL، والأوراكل. مناسبة لمشاريع كتير زي مثلاً لو أنت عندك متجر إلكتروني فمحتاج الداتا بتاعتك تكون منظمة. محتاج جدول للأوردرات، محتاج جدول للمنتجات ومحتاج جدول لليوزرز. محتاج إن أنت تربط كل ده مع بعض علشان تعرف اليوزر عمل كام أوردر والمنتج جه عليه كام أوردر. تاني حاجة الـ NoSQL هي قواعد بيانات مرنة بتخزن البيانات بأشكال مختلفة. زي عندنا الـ Documents اللي موجودة في MongoDB، الـ Key and Value اللي موجود في Redis، الـ Column-wide اللي موجود في Cassandra، والـ Graph اللي موجود في Neo4j. مرنة ومفيش نموذج ثابت واللي دي اللي بنطلق عليها Schema-less. مناسبة للتطبيقات اللي محتاجة سرعة عالية زي الشات وبتتعامل مع بيانات كبيرة. إمتى تستخدم SQL؟ لو بياناتك منظمة، محتاجة عمليات معقدة زي الـ Joins، محتاجة علاقات بين البيانات. طب إمتى نستخدم الـ NoSQL؟ لو بياناتك متغيرة وكبيرة واللي بنطلق عليها الـ Big Data، محتاج سرعة عالية في القراءة والكتابة في الداتابيز، عندك تطبيق Real-time زي الشات. لو عجبك الفيديو اعمل لايك وتابعني عشان توصلك السلسلة الجاية عن الداتابيز ولو عندك أي سؤال اكتبهولي في الكومنتس وهرد عليك.