تخيل تبرمج من غير ما تكتب ولا سطر كود بايدك، ده مش خيال ده اللي بيسموه دلوقتي الفايب كودنج،

تخيل تبرمج من غير ما تكتب ولا سطر كود بايدك، ده مش خيال ده اللي بيسموه دلوقتي الفايب كودنج، الفايب كودنج هو اسلوب جديد في البرمجه بيعتمد على ذكاء اصطناعي زي كيرسر اي اي وترى اي اي وغيرهم، والفكره بسيطه بدل ما تكتب الكود بنفسك بتدي للاداه امر او برومت وهي تكتب لك كل حاجه، يعني مثلا ممكن تقول لك كيرسر اي اي اعملي لي صفحه تسجيل دخول فيها ايميل وباسورد وهو يكتب لك الكود بالكامل ولو في مشكله كل اللي عليك انك تقول له عليها وهي هتصلحها لوحدها. بالتالي دي بتوفر وقت ومجهود بشكل رهيب وبتخلي تجربه البرمجه نفسها اسهل واكثر متعه خصوصا لو انت بتشتغل بسرعه او على بروت تايب بس خد بالك لو انت لسه بتتعلم انا بنصحك تسيب الادوات دي على جنب شويه ليه؟ لانها ممكن تخليك تحفظ بدل ما تفهم وده اخطر حاجه ممكن تحصل في مشوارك كمبرمج استنى لحد ما تكون فاهم التكنولوجيا اللي بتشتغل بيها كويس وساعتها استخدم الاي اي كاداه بتساعدك مش بتفكر لك وما تخليش حد يخوفك ويقول لك ان الذكاء الاصطناعي هياخد مكانك لان ببساطه البرمجه مش مجرد كود هي فهم وتحليل وحل مشاكل وحاجات كتير الاي اي لسه بعيد عنها. الفايب كودنج هو المستقبل فعلا بس المستقبل محتاج منك تكون ذكي في استخدام ادواتك فجربه وشاركنا بتجربتك.