أنا جايبه لكم النهارده بقى

أنا جايبه لكم النهارده بقى حاجات كتير قوي من ألمانيا كمان، وكمان اكتشفت لكم بيج بتجيب أي حاجة أنتم محتاجينها من ألمانيا، كمان البنوته أصلاً عايشة هناك فبتجيب الحاجات بنفسها ومجربة كل الاختراعات دي ورشحت لي حاجات كتير قوي منها، واختارت الحاجات اللي دايماً بتسألوني عنها. أول حاجة أصلاً السبب اللي خلاني أدور على بيج بتجيب حاجات من ألمانيا وهو ده، من ساعة ما جربت وأنا قبل ما يخلص لازم يبقى عندي ستوك. أجمد معطر أنا جربته للهدوم بلا منازع. بصوا هو بيجي كده على شكل حبيبات، بتلمي العلبة، الريحة طالعة ومعبية المكان. ريحته وهمية، بتحطوه كده غطا منه جوه الغسالة مع الغسيل وبجد ريحة الهدوم بتفضل خطيرة. أنا جربت ده وبلاندرف والاثنين أحلى من بعض. المرة دي بقى جبت اثنين تانيين عشان أجربهم وبجد سعرهم حلو قوي، أحسن سعر أنا لقيته في مصر. هبدا باختراعات البيت، الاختراع ده بتحطوه جوه غسالة الأطباق عشان تفضل متنعطرة وتسحب أي روائح كريهة جوه الغسالة، بيجي جواها اثنين وبتفضل معاكم 50 غسلة. واللي بيعاني بقى من الكتر ومش بيعرف ينظفها أو من الماكينات بتاعة القهوة، بتحطوا المعيار جوه الكتل وتغلوها وبعدين تغسلوها، كل الرواسب وكل الحاجات اللي جوه بتروح. الاختراع ده لدهون البوتاجاز والفرن والشوايات، أي حاجة بيبقى عليها دهون من الطبيخ، أنا كمان استخدمته في الفلاتر بتاعة الشفاط اللي فوق البوتاجاز طبعاً بيلم دهون رهيبة، خلاق فله بيلمع بجد. الاختراع ده اللي بناخده معانا في السفر عشان يخلي الهدوم متكوية من غير ما احتاج لمكواة. والصابونة دي اللي بتشيل منها أي بقع على الهدوم. والبراند دي مشهورة جداً، هم عاملين علب بقى صغيرة، كل علبة لنوع بقعة معينة. ده مخصوص للبقع دي، وده مخصوص لبقع الصدأ والديو. وده بقى اللي هو بتاع الألوان، اللي مفيش بيت عنده أطفال بيغلى عليه من البقع دي، وده ولا بدهن ده ولا بستخدمه، ده بتاع بقع الدهان والمانيكير. وكمان بقع الآيس كريم والبيض، أنا ما كنتش عارفة إن البيض بيبقع بس واضح إن إحنا لازم ناخد بالنا منه. ونيجي بقى لحاجة الجسم والبشرة، الشفرات دي أنا مجرباها قبل كده وجبت واحدة ماليكه بجد عجبتني قوي، سهلة قوي للولاد الصغيرين إن هم ياخدوا بالهم من نفسهم طبعاً يعملوا شيفنج عشان دي نظافة شخصية، فدي بتبقى حلوة للبشرة الحساسة ومش بتعور وسهلة قوي استخدام. شفرات الوش دي كمان حلوة قوي وحاجة بتسألوني كلها عليها، وهي صن سكرين للأطفال يكون سبراي، بصوا ده يا جماعة، الألماني ما بيهزروش طبعاً في الحاجات دي، فده لازم أجربه على طول في المصيف وأقول لكم على طول حلو ولا لا. كمان جبت أكتر حاجات مشهورة من باليا زي كريم اليوريا بتاع الإيد والرجل، الديودرنت كمان بتاعهم، كمان الديودرنت اللي على شكل كريم بتدهنوه في المناطق اللي فيها عرق عندكم. مزيل الميك أب، كمان كريم الشعر الملكي ده، وأشهر تونك وزيت ألماني كل الناس بتحبهم، أنا ما حبيتهمش قوي الصراحة بس في ناس كتير قوي بتدور عليهم بسعر حلو. الاختراع ده ما شفتوش قبل كده، شيفنج أويل، وعملت بقى ريستوك للفيتامينات اللي عجبتني قوي عشان هي على شكل فوار بتحطوه مع كوباية ميه وبتشربوها، الفيتامين سي، وفيتامين بي 12، وفيتامين بي 12، وفيتامين كالسيوم. وفي كمان الفيتامينات بتاعة الشعر والضوافر. والاختراع ده بقى اللي بتحطوه في الشنطة عشان يشيل الصداع لو أنتم عندكم صداع بتحطوه على المنطقة دي، الصداع بيروح على طول. فبالنسبة لي البيج دي اختراع وجبت منها كل الحاجات الحلوة دي، بس طبعاً مش هقدر أعمل عليها ريفيو كلها، فاكتبوا لي هنا أول حاجة عايزينيني أعمل عليها ريفيو هي إيه.