بعد انقطاع حوالي الست سنوات

بعد انقطاع حوالي الست سنوات، أخيراً رجع الـ 5G. إذا كنت غايبتوا شو ما بتعرف، فآخر ست سنوات كنا محرومين من الـ 5G على أجهزة الهواوي. بس اليوم هواوي ما أعلنت بس عن رجعة الـ 5G، والـ 5.5G. فإذا أنت ببلد وعندك شبكة بتدعم الـ 5.5G، ما رح أحكيلك أرقام على ورق، رح أحكيلك أرقام حقيقية جربناها على هذا الجهاز. إذا بتلاحظ عندك هي أرقام الـ Speedtest مع إنها خرافية، فهي مش أعلى الأرقام اللي ممكن يوصللها هذا الجهاز، لأنها بتختلف حسب المكان اللي أنت فيه وشركة الاتصالات اللي أنت ماخد منها. ورح تحس بالفرق الحقيقي لما تبلش تنزل أفلام وجيمز بتتطلب سرعة عالية. هذا هو الهواوي بيورا 90 اس اللي بتشتهر هاي السلسلة بكاميراتها، وهي تجربة تانية عملية للزوم اللي بيوصل لغاية 30 مرة، والتنقل بسلاسة بين العدسات. أما التصميم، فهذا يمكن واحد من أجمل الألوان اللي ممكن تشوفها على أي جهاز، لأنه قليل ما تلاقي هذا التدرج على أجهزة الموبايل. وأكيد بيدعم ميزات كتيرة من الـ AI، أهمها بالنسبة إلي هي إزالة الانعكاسات من الصور، وخاصة إذا بتصور ورا قزاز رح يشيلك اللمعة اللي ما إلها داعي. هاي كانت أهم التجارب العملية على هذا الجهاز، اكتبلي أسئلتك بالتعليقات، وخبرني شو أختبر بالحلقة الجاي. على العافية.