ليش أول ما ينسرق حسابك بتسلميه لشخص على طبق من ذهب لحتى يبتزك فيه؟

ليش أول ما ينسرق حسابك بتسلميه لشخص على طبق من ذهب لحتى يبتزك فيه؟ ومعلش هذا الفيديو راح أوجهه للبنات أكثر من الشباب، لأني جاي أعلمك كيف ترجعي حساباتك لحالك من غير مساعدة أي حدا وأعطيكي أساسيات حماية حسابك. أول إشي لازم تعرفي إن مشاكل الانستغرام مش كلها نفس الشيء، ممكن يكون في هجوم على حسابك من خلال لينك أنت كبستي عليه أو من خلال إشي اسمه سيشن أتاك، راح أشرح لك عنه بعدين، أو بمنتهى السهولة شخص حزر باسورد تبعيتك وقدر يدخل على حسابك لأنك مش مقويته. والأهم من هذا كله لازم تعرفي إن انستغرام نفسه ممكن يعطل حسابك بسبب تصرفات مشبوهة شافها على حسابك وأنت ما بتعرفي إنها مشبوهة، أو خلل عام بنفس انستغرام. بس أشهر حالة من هاي الحالات اللي بتضطرك تلجئي إلى شخص لحتى يرجع لك حسابك هي الاختراق. طريقة الاسترجاع جداً سهلة بس ضروري تعرفي إنك ما تعطي اليوزر نيم والباسورد حتى لو كانت باسورد قديمة لأي شخص بيسترجع حسابات، لأنه في طرق لاسترجاع حسابات مش محتاجة الباسوردات القديمة، ومضبوط في ناس بتسترجع حسابات وخدمة مدفوعة، بس في منهم بعد ما يرجعوا لك حسابك بيدخلوا على الرسائل الخاصة فيكي قبل ما يسلموكي الأكونت، أو حتى بيضلوا فاتحين أكونتك عندهم وبيراقبوا رسايلك ولقدام راح يبتزوكي فيها، ومش كلهم. لهيك انستغرام عملوا طريقة رسمية، نفس الأشخاص اللي بيسترجعوا الحسابات بيستخدموها، وهي من خلال هذا الرابط، رابط رسمي للانستغرام لاسترجاع الحسابات المخترقة، واحتياطاً خدي سكرين شوت برضه عن هذا اللينك الطويل شوي، بتعبيهم الاثنين وبتمشي فيهم خطوة خطوة، وبتمنى منك ما تخلي هذا الفيديو يوقف عندك، ابعثيها لكل شخص بيخاف على مصلحته، لأنه بالفيديو الجاي راح أحكي لك كيف تعرفي إذا في أشخاص هلا فاتحين حسابك الانستغرام أو لا. إذا بتحبوا نحولها لسلسلة عن أساسيات حماية حساباتكم والاختراقات، اكتبوا لي بالتعليقات، الله يحمينا ويحميكم على عافية.