كيفاش تبدل خط الكتابة

كيفاش تبدل خط الكتابة على هاد الشكل ديال الواتساب. إلا كتبتي نجمة على هاد الشكل وكتبتي موراها أي كلمة واحدة أخرى وعاودتي في الأخير درتي نجمة الخط عندك غيولي غلاظ كيفما كتشوف وتقدر تصيفطو كيفما هكا. إلا كتبتي العلامة ديال ما لا نهاية بحال هكا وكتبتي أي كلمة من موراها على هاد الشكل وعاودتي في الأخير درتي نفس العلامة الخط عندك غيولي مضروب عليه على هاد الشكل وتقدر تصيفطو كيفما هو. إلا بغيتي تكتب بالخط العربي غادي دير فاصلة على هاد الشكل وموراها دير هاد العلامة هادي وتكتب أي حاجة مور ديك العلامة غيعطيوك الكتابة بالخط العربي كيفما كتشوف وتقدر تصيفطو حتى هو كيفما هو على هاد الشكل. إلا بغيتي ترد الخط ديال الكتابة رقيق بالمرة على هاد الشكل غتجي دير هاد العلامة هادي ثلاثة ديال المرات كيفما كتشوف في البداية وتكتب موراها أي حاجة واحدة أخرى وفي اللخر عاوتاني غتعاود هاد العلامة ثلاثة ديال المرات بهذا الشكل وغيولي عندك الخط رقيق كيفما كتشوف وتقدر تصيفطو كيفما هو.