إلا شي نهار طرا ليك بحال هكا، أول حاجة كيدير الشفار هي كيطفي التليفون.

إلا شي نهار طرا ليك بحال هكا، أول حاجة كيدير الشفار هي كيطفي التليفون. اجي معايا نوريك كيفاش متخليش تليفونك يطفى وتقدر تعرف البلاصة ديالو بالضبط فين كاين، وتقدر تخلي تليفونك كيصور الوجه ديال داك الشفار ويصيفط ليك التصويرة ديال وجهو في الإيميل ديالك. غتمشي مباشرة للإعدادات أو البارامتر ديال تليفونك، غتهبط شوية لتحت حتى لعند السيكوريتي وورك عليها، هبط شوية لتحت وقلب على بروتيكسيون سونتر دو فول، ورك عليها بحال هكا، وهبط هنا وأكتيفي هاد الخيار الأول على هاد الشكل، وحتى الخيار الثاني على هاد الشكل. دابا مجرد ما غيبغي يطفي التليفون غادي يطلبوا منو الكود، وهو بطبيعة الحال غادي يدخل الكود غالط، وهنا غادي يجي الدور ديال واحد التطبيق اللي مباشرة ما يدخل هو الكود غالط، هاد التطبيق غادي يصيفط ليك اللوكاليزاسيون ديال تليفونك وتصويرة ديال الوجه ديال داك الشفار. بطبيعة الحال لابليكاسيون إلا بغيتو تليشارجيوه غتلقاوها كاين في الموقع ديال أبسيلو، غتدخلو ليه في جوجل على هاد الشكل، وغادي تدخلو للموقع، غتقلبو على هاد التطبيق هادا اللي كيما كتشوفو هو هادا، تليشارجيوه في تليفوناتكم، أو لا كتب ليا في كومونطير بغيت التطبيق وأنا غادي نصيفطو ليك مباشرة في الخاص. ودابا غادي نقول ليك بالصحة والراحة، غير متنساش تبارطاجي الفيديو مع كاع الناس اللي عندك في التليفون ديالك.