احنا سايبين ولدنا امانه عندكم عشان يروحوا يتضربوا

احنا سايبين ولدنا امانه عندكم عشان يروحوا يتضربوا الميس واضح انها اتلخبطت قالت بسرعه يا مدام غاده حضرتك والله حصل خناق بسيط بين الاطفال واحنا فصلنا بينهم والولد اللي ضربوا اتعاقب وقعد في النوتي كورنر وخليته يعتذر له قلت لها بنبره كلها عصبيه انا مش هتكلم في تفاصيل دلوقتي انا كل اللي يهمني ان ابني يبقى كويس قالت حضرتك عندك حق وانا بعتذر جدا بصراحه اول ما سمعتها بتعتذر حسيت انها فعلا محترمه وانها حاولت تحتوي الموقف فقلت لها طيب 10 دقائق بس واسمعه بيضحك ويلعب مع اصحابه ولو فضل زعلان يبقى اكيد فيه حاجه غلط قالت لي اوعت حضرتك قلت طب اديني بودي مسك التليفون وقال لي ايوه يا مامي قلت له يا بودي خلاص يا حبيبي الميس اعتذرت والوالد اتعاقب وانت شاطر وقوي ومش عايزين نزعل روح العب مع اصحابك وكل اللانش بوكس كله وركز في الحصه لقيت سكت شويه وبعدين قال بصوت كله براءه حاضر يا وقبل ما يقفل قال: "لف يو انا اتاثرت بشكل غريب ولقيت نفسي برد عليه: "لف يو تو يا حبيبي وقفل المكلمه، بعدها بدقيقه تقريبا بدات افكر، استنى انا مين اصلا؟ انا لا ام بودي ولا اعرف بودي ولا حتى اعرف المدرسه، واضح ان الولد كان حافظ رقم مامته غلط او ضغط على رقم قريب منه في جهات الاتصال، وربنا وقعني انا في السكه ومن يومها بقيت كل ما يرن عليا رقم غريب ارد وانا مبتسم، يمكن يكون في بودي ثاني محتاج يعني اسمع صوتي يطمنه ومعلش يعني كله الا بودي ابني اللي لا مخلفاه ولا اعرفه ولا شفته في حياتي لكن قلبي يتعلق به في مكالمه مدتها دقيقتين.