رديت على رقم غريب، وبعد دقيقتين بقيت ام الطفل ما اعرفوش

رديت على رقم غريب، وبعد دقيقتين بقيت ام الطفل ما اعرفوش، كنت قاعده في شغلي والموبايل رنب رقم غريب، بصيت لقيته على ترو كولر مكتوب عليه اسم بودي، استغربت وقلت يمكن حد اعرفه مسجل الرقم باسم ابنه، او يمكن حد اتصل بالغلط، رديت بكل هدوء، الو فجاه سمعت صوت طفل صغير عمره يمكن ست او سبع سنين بينهار من العياط، والنفس مقطوع، وبيقول: يا مامي ضربوني في الكلاس يا مامي. انا في اللحظه دي اتجمدت. الموضوع كان طبيعي بالنسبه له، لكنه بالنسبه لي كان صدمه. الولد بيتكلم بثقه انه بيكلم مامته، وانا من ناحيتي عقلي وقف. ثانيتين كده وبعدها لقيت نفسي برد عليه تلقائي من غير ما افكر. بس يا بودي ما تعيطش، اديني الميس بسرعه. الولد من كثر ما كان مرعوب، ما شكش ثانيه اني مش مامته، وراح مدي الموبايل للميس. الميس ردت بكل هدوء، الو وانا ما اعرفش ايه اللي حصل لي. يمكن غريزه الدفاع عن الاطفال اشتغلت ويمكن طريقه عياطه هزتني ويمكن شبح والده بودي لابسني قلت لها هو ايه اللي حصل احنا سايبين ولدنا امانه عندك