لما كل الاطفال قرروا يقطعوا صاحب ابني رد ابني كان صادم

لما كل الاطفال قرروا يقطعوا صاحب ابني رد ابني كان صادم ابني خالد لسه طفل صغير ولسه بيكتشف يعني ايه يبقى عنده اصحاب كل يوم بعد المدرسه ينزل يجري على الشارع يقابل شلته يفضلوا يلعبوا كوره استغمايه او حتى يقعدوا يحكوا مع بعض كنت كل ما ابص عليهم افرح واقول لنفسي الحمد لله الولد بيعرف يكون علاقات ويعيش طفولته في يوم وانا راجع من الشغل لقيت ولد صغير واقف قدام العماره عينيك كلها دموع وخالد واقف جنبه بيحاول يهديه المشهد شدني قربت منهم وسالت مالك يا بطل؟ الولد بص لي وهو بيحاول يمسح دموعه وقال هم كلهم بطلوا يلعبوا معايا قلت له ليه؟ عملت ايه؟ قال لي والله ما عملت حاجه فجاه قالوا مش هنلعب معاك تاني وكمان قالوا لابنك خالد يقطعني انا بقيت لوحدي وانا مش بحب ابقى لوحدي والله العظيم الكلمه واجعتني لان ما فيش اصعب على طفل من انه يحس انه مرفوض وهو انه مش مرغوب فيه بصيت لخالد وسالته هو صحيح طلبه منك تقطعه قال لي بسرعه ومن غير ما يفكر ايوه قلت له عملت ايه؟ قال لي قلت لهم لا عشان هو ما عملش حاجه وانا مش هقاطع حد طول ما هو كويس معايا وقتها حسيت ان كل تعب التربيه ليه معنا؟ قعدت جنب الولد وبدات اتكلم معاه بهدوء قلت له بص يا بطل اللي يسيبك من غير سبب عمره ما كان صاحب بجد والصاحب الحقيقي مش بيتغير عشان باقي الناس قالوا له يبعد عنه اوعى في يوم تجري ورا حد مش عايزك اللي يقدرك اهلا وسهلا واللي ما يقدركش سيبه ويكمل طريقه سالني يعني اعمل ايه لو قالوا لي امشي؟ قلت له وانا بضحك قول لهم بكل بساطه غرف داهيه ضحك وخالد ضحك ولقيت الولد بعد دقائق رجع يجري ويلعب مع خالد كان الدنيا رجعت طبيعيه. افتكرت ان الموضوع خلص لكن المفاجاه كانت لسه بتبتدي بعد حوالي اسبوعين لاحظت ان خالد بقى ينزل يقعد شويه يرجع بسرعه استغربت في يوم قلت له ايه يا خالد اصحابك فين قال مش بلعب معاهم افتكرت انهم اتخانقوا قلت له ليه قال فاكر الولد اللي كانوا مقاطعينه قلت له ايوه قال لي راحوا له وقالوا له هنرجع نلعب معاك بس بشرط قلت له ايه الشرط قال انه يبطل يلعب معايا سكت شويه وقلت له وهو وافق قال لي ما استناش يفكر حتى وافق على طول فضلت ساكت بصيت لخالد وقلت له وانت زعلت كنت مستني اشوف دموعه انما اللي حصل فاجئني كان قاعد قدام التليفزيون بياكل سندوتش ومندمج في فيلم كرتون حتى ما بصليش وقال بمنتهى الهدوء زعلان ايه بس يا بابا ما يغور في دهيه