والأخير part 2

في اللحظه دي الولد كان فرحان جدا فانا بحسن نيه جدا غمزت له غمزه صغيره وابتسمت وفجاه الولد بص لوالده وقال له بصوت عالي جدا بابا قال له نعم يا عمر الطفل قال له عمو ده بيضحك لماما انا حرفيا اتجمدت حاسس ان روحي خرجت من جسمي لكن الحمد لله الاب كان راجل محترم وفاهم فضحك وقال لا يا عمر يا حبيبي عمو بيضحك لك انت قلت الحمد لله ان الراجل عاقل الولد اقتنع مؤقتا وقعد ياكل الشيكولاته وهو مبسوط، لكن الواضح ان الموضوع ما خرجش من دماغه، كل شويه يبص لي، ويبص لمامته ويبص لي تاني، وكانه محقق خاص شغال على قضيه كبيره، وانا بقيت قاعد عامل نفسي مركز في اعلان معلق فوق باب المترو، وخايف اغمز له تاني، يقول لابوه: "عمو بيبص على مامته، ويقوم الراجل يمسك فيا فضلت الرحله كلها ادعي ربنا، يوصلوا قبل محطتي، لكن للاسف كانوا رايحين نفس الاتجاه، لحد ما قربت محطتي اخيرا. قمت وانا حاسس اني نجاوت من امتحان صعب سلمت على الاب وقلت للولد مع السلامه يا بطل وفكرت اعمل له باي باي من بعيد لكن في اخر لحظه تراجعت لان عقلي رسم سيناريو مرعب جدا تخيلته بيقول بصوته العالي بابا عمه بيطلب رقم تليفون ماما