المزاد العلني لادارة الجمارك 🚗

المزاد العلني لادارة الجمارك المزاد العلني اللي كدير ادارة الجمارك بغيتي تستفد و تعرف المسطرة كيفاش كتتم خليك معايا حتى اللخر كيفاش كدير الديوانة المزاد العلني كتفوت فيه واحد المجموعه ديال المنتجات اللي كيقدرو يكونو وسائل نقل اللي فيهم طوموبيلات شاحنات اولا دراجات كتكون فيهم سلع محجوزه اولا اللي تخلاو عليها أصحابها و كيقدرو يكونو كذلك ماكينات و الات صناعيه فبطبيعة الحال ادارة الجمارك مايمكنش تحتفظ بهاد المحجوزات كاملين فكتتحطهم في المزاد العلني و كيكون بيبليك باش الناس تقدر تستفد منو و كيفاش كتتم العملية؟ اول حاجه كتدخل للموقع ديال ديوان.gov.ma و كتمشي مباشرة لـ Ventes aux enchères publiques و اللي كتلقى فيها واحد المجموعه ديال المزادات المتاحه للعموم و المعروضه حاليا هادي مثلا اللي خاصه بالسياره و اللي هي اكثر طلبا و اغلبيه الناس كيبغيو يدخلو على طوموبيلات و اشاره ان السيارات اللي كيكونوا متاحين للمزاد العلني كيكون فيهم جوج ديال المحددات يا اما كتكون مخصصه لـ la ferraille يعني غتاخدها و دير لها بياس ديطاشي و تعاود البيع في لي بياس فقط او كتكون مكتوبه فيها ferraille و كتكون متاحه للبيع كسياره و كتكون مكتوبه فيها circulation و هاد وسائل النقل كيكون متاح لك دير فيزيت قبل نهار ديال المزاد باش كتعرف على ليطا ديال داك الفيكول تمشي يا اما بوحدك يا اما دير معك شي ميكانيسيان باش هكا كتزيد الثمن اللي غادي تزايد عليه و واش كتستاهل داك الفيكول ولا ما كتستاهلوش و هاد المزادات كيقدرو يدخلو ليها لي personne physique اشخاص عاديين كيما كيقدرو يدخلو ليها كذلك شركات و مهنيين و الا مشيتي للمزاد اللي خاص بالسيارات غتلقى قدامو كوتسيون يعني مبلغ ديال الضمان و اللي ضروري خصك تحطو في القابضه و تسدي معك لوغسو اولا تدير معك شيك سيرتيفي من البنكه ديالك و اللي يكون فيه داك المبلغ و بطبيعه الحال اللي خسرتي داك المزاد راه المبلغ ديالك راه كيرجع لك و ضروري نهار المزاد دي معك بطاقه وطنيه و وثيقه اخرى اللي اساسيه هي الكيوتيس فيسكال ابراء الضريبي انا الاداره ديال الضريبه ما كتسلك حتى شي حاجه و المزاد كيدوز بطريقه الكلاسيكيه البراح كيبدا بواحد لو بخي دو باز و الناس كتبدا كتزايد داك الثمن حتى كيشوفو اعلى ثمن اللي حبسات فيه المزاد و اللي هو اللي كيربح بهديك الصفقه و بطبيعه الحال اللي فاز بداك المزاد و خذا داك الفيكول اولا داك الماتريال كياخدو بليطا ديالو و كاينه بطبيعه الحال لا نوسيون ديال لولفمون و لطرونسبور ديالو و كيكون على حسابك و الا استفدتي من هاد المزادات كشركه ضروري ما تدخل هادشي في لا كونطابيليتي ديال شركتك و الا بغيتي تبيعو كذلك لشي حد اخر خاصك تبيعو بار فاكتور باش ما تلقى لا انت لا الزبون ديالك شي مشكل مع الديوانه و الا بقيتي حتى لهنا قول لي شنو بان لك واش بلان و لا ماشي بلان