Pehli biwi ne apne shohar ki dusri shadi rukwa di.

Pehli biwi ne apne shohar ki dusri shadi rukwa di. Shohar ke jo ke shadi hall mein dulha bana baitha tha aur dusri shadi ki tayari kar raha tha, yeh khabar jaise hi pehli biwi tak pahunchi usne aakar shadi hall mein hungama khada kar diya ke main iski biwi hoon, yeh mera shohar hai. Meri ijazat ke baghair yeh kaise dusri shadi kar sakta hai. Bharat ki riyasat Uttar Pradesh ka yeh waqiya hai jahan par ek shadi ki taqreeb chal rahi thi, khushiyan jaari thi, mehman maujood the, dulha maujood tha aur saath hi saath stage par dulhan bhi maujood thi jo ke aapko saath screen par nazar aa rahi hai. Lekin is shakhs ki pehli biwi jisko ek hamsaye ne itla di ke tumhara shohar aaj ek aur shadi kar raha hai, yeh khatoon fori taur par wahan par pahunchi aur isne hungama khada kar diya. Sabse pehle apni saas ko kaha ke ji aap kya kar rahi hain, main uski pehli biwi hoon. Shohar ko pakda, apni devrani ko pakda, us dulhan ke paas gayi jo ke dusri dulhan bankar is shohar ki zindagi mein aane wali thi, dusri biwi bankar. Is khatoon ne usko kaha ke kya tum jaanti ho yeh pehle se mere saath shadi kar chuka hai, mere hote meri ijazat ke baghair shadi nahi ki ja sakti. Jis tarah se unke jo bhi qanoon hai uske mutabiq agar shohar ki pehli biwi maujood hai aur woh uske saath rishte mein maujood hai to woh log dusri shadi nahi kar sakte apni biwi ki ijazat ke baghair ya uski maujudgi mein dusri shadi wahan par koi bhi mard nahi kar sakta. Lekin yahan par yeh shadi hone ja rahi thi. Is khatoon ne police ko itla di, police mauqe par pahunchi aur tamam tar mamla janne ki koshish ki. Is pehli biwi ne yeh dawa kiya ke yeh mera shohar hai aur 2022 mein hum dono ki shadi hui aur 2024 mein rukhsati honi thi, yani ke unke mutabiq vidai ka jo amal hota hai woh 2024 mein hona tha. Pehli biwi ne yeh dawa kiya ke mere WhatsApp par is aadmi ki tamam tar chat maujood hai aur yeh mujhse mahine mein kai baar milne ke liye bhi aata tha, sirf rukhsati ke mamle mein yeh mujhe kehta tha aaj nahi kal, kal nahi parson aur is tarah se yeh mujhe taal-batol karta tha aur aaj isne apne ghar walon ki marzi se kahin aur shadi kar li. Ek hall mein ek aisa hungama jaari raha jo takreeban ghante se dedh ghanta wahan par chalta raha. Uske baad police in dono ko apne saath le gayi taake tamam tar mamlaat ki inquiry ki ja sake ke kya yeh khatoon waqai mein jo saboot dikha rahi hai, jo dawa kar rahi hai, abhi bhi uske saath shadi mein shamil hai, uski biwi ki haisiyat se qanooni taur par agar yeh khatoon ab bhi uski biwi sabit ho jaati hai to is aadmi ko achi khasi saza ho sakti hai kyunke unke qanoon ke mutabiq agar kisi shakhs ki ek biwi maujood hai to woh uski ijazat ya uski zindagi mein dusri shadi karne ki ijazat nahi hai. Ab kya hoga iske saath, kya karwai hoti hai ya is aadmi ko saza hoti hai ya wapis yeh apni pehli biwi ko qabool karta hai ya phir pehli biwi ko chhodne ka faisla karta hai, woh dekhna abhi baqi hai.